रामलल्ला – निसर्गाचे विविध रूपं

रामलल्ला – निसर्गाचे विविध रूपं

प्रभू श्रीरामाची ५ वर्षाच्या बालरूपातील मूर्ती म्हैसूरचे शिल्पकार अरुण योगीराज यांनी काळ्या पाषाणापासून बनविलेली आहे. विशेष म्हणजे ते एकाच दगडापासून अखंड बनवण्यात आली आहे. यात रामललाचे बालस्वरूप दगडाच्या कमळावर दाखवण्यात आले आहे. विष्णूचे 10 अवतार, ओम, स्वस्तिक, शंख-चक्र देखील मूर्तीवर आहेत. भगवान श्री राम हे भगवान विष्णूचे अवतार होते. श्रीरामाच्या मूर्तीच्या मस्तकावर सूर्य कोरण्यात आला आहे. रामललाच्या मूर्तीभोवती बांधलेल्या मूर्तीमध्ये रामाचे 10 अवतार पाहायला मिळतात. यामध्ये प्रथम मत्स, दुसऱ्यावर कूर्म, तिसऱ्या क्रमांकावर वराह, चौथ्या क्रमांकावर नृसिंह, पाचव्या क्रमांकावर वामन, सहाव्या क्रमांकावर परशुराम, सातव्या क्रमांकावर राम, आठव्या क्रमांकावर कृष्ण, नवव्या क्रमांकावर बुद्ध आणि दहावी कल्किची प्रतिमा आहे. यासोबतच एका बाजूला हनुमान तर दुसऱ्या बाजूला गरुड विराजमान आहेत. हे सर्व निसर्गातील विविधांगी रूप आहे ज्यात जलजीवनातील मत्सरूप,वराह,नरसिंह सारखे प्राणी रूपातील भगवंताचे अवतार कोरलेले आहे.

संपूर्ण विश्वाला व निसर्गाला उर्जा पुरविण्याचे कार्य सूर्यापासून होते. शेषनाग हे भगवान विष्णूच्या शय्येचे आणि संरक्षणाचे प्रतीक आहे. या मूर्तीमध्ये रामललाला धनुष्यबाण दाखवण्यात आले आहे. या मूर्तीकडे पाहिल्यावर तुम्हाला श्रीरामात भगवान विष्णूचा अवतारही दिसेल. प्रभू राम हे सूर्यवंशी होते, त्यामुळे मूर्तीमध्ये राजपुत्राची प्रतिमाही दिसणार आहे. रामलला गर्भगृहात कमळाच्या फुलावर विराजमान होणार आहेत. शिल्पकार अरुण योगीराज यांनी रामललाच्या उभ्या मूर्तीला अतिशय सुंदर आकार दिला आहे. या मूर्तीचे वजन 200 किलो आहे.रामललाची मूर्ती श्याम शिलेची आहे. या दगडाचे वय हजारो वर्षे असल्याचे सांगितले जाते आणि ते जलरोधक देखील आहे, त्यावर चंदन किंवा सिंदूर वगैरे लावल्याने मूर्तीच्या रंगावर परिणाम होत नाही.निसर्गातील पंच महाभूत तत्वाचा समावेश या मूर्तीतून आपणास दिसून येतो.सूर्य,श्रीगणेश,मत्सरूप,भगवान विष्णू,पवनसुत हनुमान आदी अनेक रूपातून आकाश,जल,अग्नी,पृथ्वी व वायूचे रूपं या मुर्तीद्वारे प्रतिबिंबित होतात.